منتدى اسمراني

يختص المنتدي بالثقافة السودانية


    مختار دفع الله

    شاطر

    sanad

    المساهمات : 7
    تاريخ التسجيل : 27/12/2008
    العمر : 27

    مختار دفع الله

    مُساهمة  sanad في الجمعة يناير 16, 2009 8:57 am


    مختار دفع الله

    سيرة ذاتية

    شاعر سودانى تغنى له العديد من المطربين السودانيين وله مجموعة كبيرة من الأغانى



    مسجلة بمكاتب الازاعة والتلفزيون السودانى وازاعة وادي النيل



    * حائز على ليسانس الآداب من جامعة الزقازيق عام 1984



    عمل فى مجال السكرتارية بجريد الخرطوم السودانية وكان رئيسا لقسم المنوعات

    حتى صدور ايقاف الصحف .



    عمل متعاونا بالقسم الثقافى لجريدة القوات المسلحة



    له ديوان شهر بعنوان * أنا يابلد * أصدره عام 1977م كما أنه أصدر ديوان شعر آخر



    بعنوان * رد الرسالة * وكان ذلك فى سنة 1991 م



    اسهاماته : مثل بلاده فى بعض المهرجانات الأدبية بتونس عام 1981م وفى بغداد عام 1977م

    * وله ديوان شعر تحت الطبع بعنوان الفرح المهاجر وله ايضا ديوان آخر تحت الطبع بعنوان حديث النجوم



    قصائده



    النيل

    sanad

    المساهمات : 7
    تاريخ التسجيل : 27/12/2008
    العمر : 27

    رد: مختار دفع الله

    مُساهمة  sanad في الجمعة يناير 16, 2009 9:00 am

    ومن روائع المبدع مختار دفع الله



    ابتســــــــــــــــام

    لما زارتنا الاميره

    ساطعه زى شمس الظهيره

    الورود زادت نضاره

    وعم كل الكون عبيره

    ***

    ولما طلت فى بشاشه

    زى سحابه جميله راشه

    شايلا انفاس الخمايل

    ومن بديع لون الفراشه

    فرهدت كل البيادر

    وارتوو الناس العطاشى

    والعيون لحظة حضورا

    شالت اروع اندهاشه

    ***

    وانفضح يا ناس هوايا

    لما شفت خطاها جايه

    صوره من عظمة الاهنا

    ومن جميل ابداعه آيه

    صفقت فينى الخواطر

    راسمه فى الاعماق حكايه

    ***

    وقبلما تقول لىَّ سلام

    شالنى فى عيونا السلام

    والعيون يا شوقى ليهن

    هن بدن بينا الكلام

    وابتديت بحواسى اضحك

    شلت فى عيونى ابتسام


    MN:SANAD

    sanad

    المساهمات : 7
    تاريخ التسجيل : 27/12/2008
    العمر : 27

    رد: مختار دفع الله

    مُساهمة  sanad في الجمعة يناير 16, 2009 9:01 am

    رد الرسالة ****للشاعر مختار دفع الله

    ثانى كاتب لى خبارك

    انتَ قَايْل انّهُ لِسَّه

    قَلبىِ تايهُ في مَدَارَكْ

    دِىِ الدِيَارُ خَلْيتَها ذَاتَها

    لَمَّاَ ضَاقت بَىْ ديارك

    والبعاد الشايفو قاسى

    ما زمان كان باختيارك

    انت فاكر بنسى جُرحك

    جيت تنمق فى اعتذارك

    لما رحت تجور عليا

    ورحت ابعد عن مسارك

    تانى كاتب لى خبارك

    ***

    الجواب الجاى منك

    عندى صار ماليهو قيمه

    والهوى الكان بينى بينك

    عدى بالشوق والهزيمة

    وهسَّه لمّا طريت هوايا

    وقصة الذكرى الأليمه

    جاى تانى عشان تعاود

    للحكايات القديمة

    ***

    ويبقى ردى على جوابك

    يا جميل الرجعه لا...لا..

    كونى ارجع ليك تانى

    ألف مليون استحاله

    ما الفراق انت البديته

    يوم حرمت الروّح وصالا

    وانت عارف البادىء أظلم

    وايه لُزوم يعنى الرساله

    ***

    والكلام الفى جوابك

    كان بيعدِّى على زمان

    قبلما تغدر عيونك

    وقبلما يخونى الزمان

    انت قايل قلبى بنسى

    فترة الذّل والهوان

    لا..لا..لا..لا

    دىِ الكرامه العِندى أغلى

    من عيونك والحنان

    ***

    انت قايل انى ممكن

    ليك أرجع تانى مرة

    لا..لا..لا..لا

    دَا الجرح ممّا استمر

    لو حصل طيفك غشانى

    ومرة في ذاكرتى مره

    ببدا ينزف تانى مره

    وتانى مرة وتانى مّره

    يا حليل أيام عيونك

    كان بتلهمنى المسره

    ***

    أصْلُو كان خادعنى لونك

    والبريق الفى عيونك

    والكلام القلتو ليّا

    كان بيخدع فينى زيفو

    والجُرح في قلبي نوسر

    وديمه زايد في نزيفو

    .... وكنت برضو....!!

    ممكن أهديك نور عيونى

    شان عيونك منّى يرضو...!!

    وأصلى حاسس طول سنينى

    إنو أشواقى وحنينى

    نقطة الضُعف الى فينى

    ***

    الاّ هَسّه

    إنت أنسى..

    وحقو تنسى

    إنو كان بيناتنا قصه

    واصلو ماتعشم عيونك

    انى بهواك انت لسَّه

    ***

    انت لو فاكرنى بحزن

    شان فراقك او جفاك

    تبقى موهوم في عواطفك

    اصلو قلبى زمان نساك



    وابتديت انساهُ ليلكْ

    والسنين الرّاحو ديلك

    وانسى جور كُل الاماسى

    الفيها كم قاسيتو ويلك

    وانت لو فاكرنى بحزن

    شان فراقك يا حليلك

    يا حليلك..يا حليلك

    sanad

    المساهمات : 7
    تاريخ التسجيل : 27/12/2008
    العمر : 27

    رد: مختار دفع الله

    مُساهمة  sanad في الجمعة يناير 16, 2009 9:03 am

    تانى جيت من روائع مختار دفع الله

    تانى جيتك

    شايل معاى ندى الحروف

    بهجة عصافير الجروف

    تانى جيتك كان اشوف

    كل الامانى الفى الفؤاد

    يا غالى بى قربك تطوف

    تانى جيتك

    بعد الضياع بعد المحن..بعد الودار

    بعد السنين الخاليه من لون الخدار

    انا تانى جيتك وفى الفؤاد

    احساس بحن لكل دار

    حنينو مرسوم فى العيون

    فى كل ضحكات الصغار

    تانى جيتك

    شايل معاى طيبة الصباح

    شايل معاى أمل السنين

    ناسى القبيل من عمرى راح

    ناسى الضياع الكان زمن

    مدسوس بتاور فى الجراح

    والليلة جيت بى كل ود

    طالب الرضا وطالب السماح

      الوقت/التاريخ الآن هو الأربعاء سبتمبر 20, 2017 3:04 am